湯•米 (已易手) 新餐廳

好耐無打邊爐啦今日黎到黎到邊就好想打邊爐又見到呢到有臭臭鍋就入左黎食我地就叫左兩個鍋一個係招牌臭臭鍋湯底好濃郁好惹味配埋粉絲或者飯食都一流每樣材料都好新鮮特別推介臭豆腐冇炸過比一般既健康但臭味依然好濃郁再加埋餐廳教路調製既豆板醬好惹味除左臭豆腐牛肉都好正好腍就算煮耐左都唔會軔不過牛肉配沙嗲醬岩味D 另一個係韓國泡菜鍋已經揀左BB辣但辣味都好重而且辣椒既香味好濃郁食完暖笠笠話明泡茶鍋就當然唔少得泡菜泡菜份量都算多仲要附送一塊拉麫兩樣一齊食真係好韓風呢個泡菜鍋同平時係出面食到既部隊鍋唔同呢個健康好多有豚肉仲有好多配菜有娃娃菜、椰菜、冬菇等等食完好飽肚好滿足 食完主菜口痕想食小食就叫左個鹽酥雞扒雞扒唔算大塊不過做法都幾正宗同係台灣夜市食既一模一樣都係外脆內嫰而且好juicy一咬落去肉汁爆哂出黎呢到嘅飲品都好特別呢個芝士莓莓好有趣本身以為叫得莓莓應該會好酸點知味道調得岩岩好酸中帶甜而且莓味好清新最特別係加埋芝士有埋鹹味味道好特別好多層次作為芝士控仲叫朋友叫左芝士茶茶八號一直好鍾意飲芝士奶蓋綠茶今次都冇失望奶蓋好足料飲到最後都仲有好濃芝士味而綠茶都好香兩樣一齊飲真係好有層次