影片
更多
2019-03-04
155 瀏覽
年頭特別多朋友生日，加上情人節、紀念日，短短幾個月已經切過幾次蛋糕。踏入另一半嘅生日月，陸陸續續有朋友開始相約食飯。朋友都知道我地對蛋糕要求高，於是交由我發辦。由於我已經準備左網店出品，同佢慶祝正日，於是朋友呢餐，我就方便啲揀左La Famille，可以直接喺佢地網上落單、付款，然後喺門市自取。中環門市位於國際金融中心商場3樓，鋪位唔算好當眼，呢間係外賣店；我都係近期先知佢地嘅銅鑼灣店有供應堂食，有機會真係要試一試。凍櫃中存放左多款petit cake、原個蛋糕、賣相精美嘅巴洛圈、朱古力等，等候蛋糕期間，我都忍唔住多望幾眼，睇下下次有冇心水。原個蛋糕口味眾多，朱古力、伯爵茶、栗子、玫瑰紅桑莓、士多啤梨、柚子、芒果乳酪、開心果、抹茶等，蛋糕分四個尺寸：15cm/17cm/20cm/23cm，以15cm(一磅)為例，定價$340-400，價格合理。每個蛋糕都會送一個生日牌，訂購時可以留低訊息。每個蛋糕都會跟餐刀、蠟燭、保溫袋，店員亦好細心，有提醒蛋糕約可以保存大概個零鐘，蛋糕送到另一半手上，保持原狀。Pistachio Chiffon Cake $400之前試過佢地玫瑰、伯爵同柚子peti
中環門市位於國際金融中心商場3樓，鋪位唔算好當眼，呢間係外賣店；我都係近期先知佢地嘅銅鑼灣店有供應堂食，有機會真係要試一試。
凍櫃中存放左多款petit cake、原個蛋糕、賣相精美嘅巴洛圈、朱古力等，等候蛋糕期間，我都忍唔住多望幾眼，睇下下次有冇心水。
原個蛋糕口味眾多，朱古力、伯爵茶、栗子、玫瑰紅桑莓、士多啤梨、柚子、芒果乳酪、開心果、抹茶等，蛋糕分四個尺寸：15cm/17cm/20cm/23cm，以15cm(一磅)為例，定價$340-400，價格合理。
每個蛋糕都會送一個生日牌，訂購時可以留低訊息。每個蛋糕都會跟餐刀、蠟燭、保溫袋，店員亦好細心，有提醒蛋糕約可以保存大概個零鐘，蛋糕送到另一半手上，保持原狀。
Pistachio Chiffon Cake $400
之前試過佢地玫瑰、伯爵同柚子petit cake，所以今次揀左平時比較少食到嘅開心果味。
Pistachio Chiffon Cake
$400
51 瀏覽
0 讚好
0 留言
蛋糕以馬卡龍、士多啤梨、紅莓、黑莓、藍莓等作裝飾，同圖片相符。因為我地到晚上先食，馬卡龍口感冇咁薄酥，唔會太甜。新鮮嘅水果配搭清淡嘅戚風蛋糕，味道優雅。
外層忌廉厚身，唔會一抹到一忽忽，輕盈濕潤，冇膩口感覺。蛋糕體鬆軟、彈性高，開心果味並冇想像中香濃，靠住蛋糕中嘅開心果粒加強印象同口感，甜度唔高。
好食嘅忌廉、戚風唔多，呢度係其中一個穩陣又價格合理嘅選擇。
張貼
