麥當勞

營業中

休息中

由澳門返香港，落咗船有啲肚餓，我哋就去麥當勞食下午茶嘞，揀佢嘅原因係為咗佢個忌廉蘑菇粟米湯！個湯原價 $9.5，買餐加 $6 就有，我哋唔係好肚餓，亦唔想食太多，所以就要咗一個脆香雞翼餐加湯。雞翼剛炸好，熱辣辣一定好食，又脆又味濃，飲多兩啖汽水先掂！ 主角慢慢試，唔似金寶湯，因為好明顯啲磨菇大隻啲，呈半月形，粟米都未煲到爛晒，仍然食到一粒粒，湯亦唔會稀勻勻，好似比之前有進步，唔錯啦！信德嘅麥當勞好大，乜嘢類型嘅位都有，就算你想玩自閉，都有幾排面壁位比你揀，一個人下晝冇嘢做，嚟上網打機睇書，仲平個去咖啡店！