石記餐廳 (已結業)

我幫襯過呢間野兩次，但係難食到咁，點解會有第二次呢?因為當日八號風球冇野食，佢獨市咁滯，唯有入去填肚啦，我住樓上近近地，算，我忍你。打風加價都唔怪得佢，咁既天氣仲開舖，但係廿八蚊一碗餐腸麵得一條腸半塊餐肉，唔熱兼無味既湯底同埋兩注麵，無錯，真係兩注，係咪過分咗少少呢。你要收貴少少都無所謂，我都好感恩八號風球竟然仲有得食，但係都俾返少少良心呀，我極度後悔唔去七仔買杯麵加叮叮點心，一定好食過佢。我地全條電氣道既街坊都佢出名曳，非迫不得已都盡量唔會幫襯，在此敬各位來天后食飯既朋友，行多幾步，大把好野你食，你既腳骨力係值得付出，歡迎光臨天后。