甜蜜蜜 (已結業)

初四上山頂走走，嘩，好多遊客！想坐低抖抖，所以好就腳咁一入淩宵閣就見到呢間舖頭，坐低。差不多九成都係文化唔係好同嘅內地遊客，入到嚟真係要忍一忍。呢度好多食物都冇mark價錢，又或者我見唔到啦⋯⋯我叫咗個雪糕紅豆冰，$68，味道ok嘅，係甜咗少少，但冇畀匙羹好難𢳂雪糕。紅豆冰嘅冰好大粒，正式嘅紅豆冰啲冰應該係碎冰食到，但呢杯又多又大粒，完全係阻住我食啲紅豆。可以改善一下。店員如果密少少嚟收拾啲枱就好喇。