香辣屋 (已結業)

難得老朋友返港，約埋幾個老朋友搵了個較清靜的地方敘舊。大家先來杯冬季特飲，我試了青檸薑茶，青檸夠清香，而薑的味道適中，兩者配合得宜，不會互相搶了味道。素米紙卷-真係好素，只有青瓜、紅蘿蔔、檬粉，可能才突出魚露的味道？生魚菘青芒果沙律-面頭的脆脆炸得好食，下層的芒果沙律酸酸甜甜好醒胃，我最鍾意就係好多腰果同花生，夠晒香口。椒鹽軟殼蟹是失敗之作，腍腍的完全唔脆口，食了第一件已沒有興趣再食第二件了。咖哩麵包雞-差不多每次o黎都會叫的。外層的麵包點了D咖哩汁，真係一流，麵包唔夠分，再加多客薄餅。玉子豆腐雜菜煲-普普通通。冬陰功-一碗有兩隻大蝦，辣味足夠，可惜欠缺了香茅的味道。雖然甜品唔多吸引，但都慣例上點了兩款大家分享，但侍應姐姐竟然忘記落單，害我o地等了十多分鐘。南瓜布甸-買相一點不吸引，但味道尚好，蛋味大過南瓜味。椰汁芒果湯丸-老友們覺得不錯，我本人認為麻麻，可能椰汁味太重，而且那粒芒果湯丸，味道像一般的糯米湯丸無特別。雖然食物味道一般，但氣氛唔錯，大家談天說地了三個多小時。