影片
更多
2015-11-26
539 瀏覽
夜晚嗰餐唔夠飽，同朋友決定九點鐘黎個晚餐Round 2！忽然好掛住韓式炸雞，於是朋友嘅大腦美食地圖database即刻direct左黎呢間Haru Haru。九點入座時室內已經滿座，只好坐室外，但唔緊要，小店小巷露天地方食韓式炸雞先有feel。剛坐下侍應就為我地奉上韓式涼菜：泡菜、翠玉瓜，薯仔，三款都係涼菜之中我較為喜歡食嘅幾款。涼菜可以無限添食，但今晚嘅主角唔係佢。無骨炸雞（香蔥）半隻 $79 - 朋友對傳統嘅韓式炸雞表面嘅沾醬唔太喜歡，對沾醬隻味似咕嚕肉汁之餘又有辣味感到奇怪，於是我地就揀左無骨炸雞（香蔥）半隻。去骨炸雞嘅表面伴香蔥絲，炸雞表面呈金黃、皮脆內軟，咬開肉質嫩滑、肉汁滲出、非常juicy！教人一口接一口，實屬深宵小吃邪惡之物。海鮮薄餅 $78 - 本來只係叫炸雞為求過下口癮，結果開左個頭就想填補胃部剩餘空間。薄餅賣相顏色豐富，粉皮質地唔會煎得太乾，口感煙煙韌韌。好快又清晒。韓底水冷麵 $55 - 點解食水冷麵？熱囉。明明已經冬至已過，晚間氣溫仲係廿五六度，死未。水冷麵裡頭有紫菜、泡菜、蛋、蔥絲、芝麻，拌勻帶麵進食，暑氣全消。韓國生米酒 $80 - 喺小巷街頭食炸雞，唔係
剛坐下侍應就為我地奉上韓式涼菜：泡菜、翠玉瓜，薯仔，三款都係涼菜之中我較為喜歡食嘅幾款。涼菜可以無限添食，但今晚嘅主角唔係佢。
無骨炸雞（香蔥）半隻 $79 - 朋友對傳統嘅韓式炸雞表面嘅沾醬唔太喜歡，對沾醬隻味似咕嚕肉汁之餘又有辣味感到奇怪，於是我地就揀左無骨炸雞（香蔥）半隻。去骨炸雞嘅表面伴香蔥絲，炸雞表面呈金黃、皮脆內軟，咬開肉質嫩滑、肉汁滲出、非常juicy！教人一口接一口，實屬深宵小吃邪惡之物。
海鮮薄餅 $78 - 本來只係叫炸雞為求過下口癮，結果開左個頭就想填補胃部剩餘空間。薄餅賣相顏色豐富，粉皮質地唔會煎得太乾，口感煙煙韌韌。好快又清晒。
韓底水冷麵 $55 - 點解食水冷麵？熱囉。明明已經冬至已過，晚間氣溫仲係廿五六度，死未。水冷麵裡頭有紫菜、泡菜、蛋、蔥絲、芝麻，拌勻帶麵進食，暑氣全消。
韓國生米酒 $80 - 喺小巷街頭食炸雞，唔係唔飲酒呀嘛？講起韓國嘅酒，筆者鐘情韓國生米酒막걸리 (Makgeolli)，酒精含量低，味道酸酸甜甜易入口，據說韓國人喜歡食煎飯嗰陣飲Makgeolli。OK fine，我唔係韓國人，但我鐘意飲酒。Let's drink！食飽埋單每人百六蚊，雖然天氣冇韓國咁清爽，店舖又冇韓國oppa又或者阿豬媽，依然食到韓風味道。感覺滿足！
張貼
