魔膳工房 (已易手) 新餐廳

是日假期，放工就來到觀塘食晚餐。Menu 有不少選擇，我偏好西餐就不難選擇。叫左set, set 包湯同餐包。揀左雜菜羅宋湯。酸酸甜甜的味道，雜菜足料，偏酸。帶子黑松露意大利飯$158帶子味好濃郁，淡淡的黑松露味滲入飯身。飯身質感唔算太濕，幾岩我。法式烤春雞$168原隻烤雞賣相不錯，配上燒汁更加惹味，外皮烤香，唔會太熱氣。美中不足是雞肉調味較淡，需要點多少少汁。配料有薯仔，蕃茄仔。熱玫瑰蜜花茶$3(跟set 加)最近身體關係都少左飲凍野，呢杯熱飲味道唔錯，玫瑰花味幾濃郁，加左蜜糖，茶味唔算多。朱古力花紋雲尼拿芝士凍餅$38set dessert 加$28or $38, 揀左最鐘意既芝士凍餅。係凍櫃解凍出黎，芝士唔算太硬，所以都幾易切。入口芝士味同cream 融合得不錯，甜而不膩，評分最高。