潮福蒸氣石鍋 (已結業)

潮福都食過唔止一次，朋友圈當中都有人好鐘意食蒸海鮮，不過對上幾次食，都係散叫，變相價錢都唔平。藍田呢間分店有個半任飲任食嘅海鮮餐，睇落份量都ok，所以試下。首先，粥底2選1，燉湯每位一款，乳鴿每位半隻、貝殼盛盆、龍蝦每位半隻，自選海鮮選4款；再加上唔少其他配料，例如雞、丸、瓜等等任食汽水、竹蔗水、韓式飲品、啤酒任飲首先我地揀左瑤柱鮮淮山粥，自選海鮮我地揀左蟶子、海中蝦、大元貝、鮑魚，當日客人唔多，落單後都好快上菜。而且基本上店員全程招呼，幫手蒸好哂。湯方面分別係西洋菜生魚燉陳腎，姬崧茸燉螺肉。二選一的話，會比較推薦西洋菜後者略嫌有點太鹹。每位都會有嘅半隻乳鴿，都算唔錯啦，有肉食。貝殼盛盒嘅份量還可以，不過味道偏鹹。但由於同蟶子蒸嘅時間相同，所以我地叫店員放埋一齊蒸，慳番啲時間。蟶子size都大喎，而且時間啱啱好，連埋粉絲食店員見我地都係心急，所以之後就自動將一樣時間嘅海鮮放埋一齊蒸，海中蝦每位兩隻，大元貝則每人一隻。蝦比較細細一隻，雖然每人有兩隻，但有啲唔夠喉，因為平時啲火鍋放題都做到任食海蝦啦。大元貝就唔錯，夠大隻，粉絲又多最後就係每位半隻嘅龍蝦同埋鮑魚。龍蝦都啖啖肉，鮑魚蒸得啱啱好