Oliver's Super Sandwiches (創紀之城五期(apm))

營業中

休息中

好老實喺呢度一個早餐喇起手都成四十蚊平時慳家嘅我真係唔捨得食，不過呢排忙到連食晏嘅時間都無就點都要對自己好啲。我叫咗個 N12 跟熱咖啡再加一個茄通。先講一下我最愛 Oliver's Super Sandwiches 係因為佢杯咖啡真係好啱飲，食物不過不失已經好好。薯餅可能焗一焗，食果陣已經好淋。條腸麻麻地，煙肉 ok! 本身見到隻溫泉蛋穿咗我的確係有啲失落，食食吓發現比啲麵包索晒都幾好食。至於佢個芝士汁有少少膩但係同煙三文魚都幾夾嘅。至於個通粉就因為我眼闊肚窄，擺到好晏先食，冇乜點發脹但係凍冰冰，如果熱食應該好好味。今餐食咗 $53，下次我會叫個平啲嘅餐加通粉!