影片
更多
2017-09-08
1920 瀏覽
平時係尖沙咀返工，食外賣，茶餐廳已經食到厭。難得今日可以食兩個鐘飯，所以就去咗亞士厘道嘅呢一間高級餐廳食午餐。之前已經聽過呢度嘅食物唔錯，所以我都帶埋同事一齊試下。餐廳光線充足，主要運用自然光，所以望落去好舒服。因為坐近窗嘅關係，所以望到下面街道嘅環境。呢餐當然比我平時食開嘅lunch貴，但係set lunch價錢百幾蚊，可以食到牛扒，羊鞍，黑毛豬等等，其實都好ok。我同同事都係食肉獸，所以佢就叫咗紐西蘭羊鞍，我就叫咗燒美國牛肉眼。Set lunch 包括沙律，餐包，餐湯，飲品，主菜同甜品，聽落已經夠豐富！另外最抵嘅係可以每人加＄55有一個新鮮嘅海鮮拼盤。以為咁平食唔到好質素，咁你就錯啦！每人包含一隻鮑魚，生蠔，日本帶子，鮮蝦同聖子刺身。日本帶子好鮮甜，佢用一隻shooter裝柱，杯裏面就有一些醬汁，配埋好惹味，好夾。聖子刺身好爽口，彈牙。食完一片接一片。生蠔好新鮮，好creamy。點上佢秘製嘅綠色醬汁，酸酸甜甜，超級好味。鮑魚都算大隻，每一啖充滿淡淡的海水味，好有咬口。沙律係用黑醋汁，配上新鮮蔬菜，加上有啲火腿粒，幾開胃。餐湯係薯仔番茄湯，佢係屬於比較濃稠，啖啖蕃茄蓉同薯仔粒，似th
之前已經聽過呢度嘅食物唔錯，所以我都帶埋同事一齊試下。
餐廳光線充足，主要運用自然光，所以望落去好舒服。因為坐近窗嘅關係，所以望到下面街道嘅環境。
呢餐當然比我平時食開嘅lunch貴，但係set lunch價錢百幾蚊，可以食到牛扒，羊鞍，黑毛豬等等，其實都好ok。
我同同事都係食肉獸，所以佢就叫咗紐西蘭羊鞍，我就叫咗燒美國牛肉眼。
Set lunch 包括沙律，餐包，餐湯，飲品，主菜同甜品，聽落已經夠豐富！另外最抵嘅係可以每人加＄55有一個新鮮嘅海鮮拼盤。以為咁平食唔到好質素，咁你就錯啦！每人包含一隻鮑魚，生蠔，日本帶子，鮮蝦同聖子刺身。
加配海鮮拼盤
23 瀏覽
0 讚好
0 留言
日本帶子好鮮甜，佢用一隻shooter裝柱，杯裏面就有一些醬汁，配埋好惹味，好夾。
聖子刺身好爽口，彈牙。食完一片接一片。生蠔好新鮮，好creamy。點上佢秘製嘅綠色醬汁，酸酸甜甜，超級好味。
鮑魚都算大隻，每一啖充滿淡淡的海水味，好有咬口。
套餐沙律
18 瀏覽
0 讚好
0 留言
沙律係用黑醋汁，配上新鮮蔬菜，加上有啲火腿粒，幾開胃。
蕃茄薯仔湯
13 瀏覽
0 讚好
0 留言
餐湯係薯仔番茄湯，佢係屬於比較濃稠，啖啖蕃茄蓉同薯仔粒，似thick soup既口感。
燒美國牛肉眼
24 瀏覽
0 讚好
0 留言
燒美國牛肉眼，叫咗六七成熟，燒得啱啱好，裏面仲有少少粉紅。牛扒夠大份，一個人一定夠飽嘅份量。佢好香牛味，食落去一啲都唔un，另外邊邊帶有少少肥，好香牛油香味，配上黑椒汁，味道更加昇華。
紐西蘭羊鞍同樣叫咗七成熟，兩大舊羊鞍份量好多，羊一啲都唔"酥"，另外伴菜都會包括番薯同紫薯蓉，好香甜。
紐西蘭羊鞍
13 瀏覽
0 讚好
0 留言
餐飲我哋分別叫咗凍咖啡同凍奶茶，咖啡味道濃，糖漿同奶自己加，所以可以自己調配喜歡嘅味道。
凍咖啡
8 瀏覽
0 讚好
0 留言
最後甜品就係焦糖蛋糕，其實食完主食已經好飽，不過佢細細一件，又可以滿足到自己嘅甜品胃。
焦糖蛋糕
10 瀏覽
0 讚好
0 留言
呢個午餐真係好豐富，下次如果又有時間，一定會再嚟呢度食個休閑午餐。
張貼
