意粉屋 (已結業)

呢日要去大會堂睇話劇，不過如果在中環食飯。大家都知道唔會平得去邊，但如果睇完先返去食。選擇就無乜啦，係咁就在這裡作個early dinner啦。是日是星期天，但人唔多，絕對好有食tea既mood。酥皮金粟周打湯個湯個酥皮焗得好好睇，食落好脆口。周打湯係個湯有薯仔、煙肉。當然仲有粟米，個湯係忌廉湯。好香同好滑，雖然係普通既忌廉湯，但質素絕不欺場。南方雞翼點解叫南方雞翼，呢個真係天知曉。我覺得呢個係普通既炸雞翼，但係加上附上甜甜酸酸既醬就顯其惹味。雞翼既肉質都唔差，唔會炸到太dry。鮮忌廉烤雞、火腿蛋炒飯又一個唔錯既選擇，個蛋炒飯炒得好煙韌。不過我覺得個汁既份量比飯還要多，唔夠平均。忌廉汁好濃，配料同個汁係好夾。雖然材料係好普通，不過真係幾好食。北海道布丁奶茶個飲品幾好飲，好飲在茶味好濃。而且有幾多布丁粒，係個好得意既特飲。食物同服務都好好，服務員成日幫我加水。想提一提既係，張椅子真係好舒服。可以作360度旋轉。真係坐得好free。佢地另一樣細心既係，凍水會加粒草莓。飲落去好清新同無咁乏味。實有下次既，呢度既價位唔太高，今餐係我預期之上。