風花雪月 (已結業)

難得出黎港島區工作，就緊唔可以晒咗係港島區覓食嘅機會啦，所以就黎咗呢間新開幾個月嘅日式餐廳到食個Lunch喇~ 餐廳佔地三層，但係每一層都有唔同嘅主題，一樓係西日式嘅風格，二樓係鐵板燒(其實係用陶瓷板燒)，最後三樓就係純日式嘅，仲可以揀廚師發辦，不過無咁多時間欣賞廚師料理壽司，所以就簡簡單單咁叫個午市套餐算我就去咗三樓，可能由於餐廳都幾新，所以無咩其他客人，原來啲午市套餐係可以食到唔同樓層嘅特色野嘅，但係選擇都唔算多落單無耐，前菜就好快送到喇，前面一小碗嘅係洋蔥燴嘅白肉魚，係涼拌小食黎，微微嘅偏鹹，而且口感都唔多似係魚肉，洋蔥吸收咗啲醬油味，偏鹹。而平凡嘅沙律反而有驚喜，就係用咗開胃嘅酸梅汁做沙律汁，好清新由於我係食肉獸，而餐牌中最吸引我嘅就係呢個美國西冷薄燒鐵板套餐，隻碟睇落好瑰麗，果然擺碟都係味道最重要嘅一環，真係令我食欲大增啊，薄薄嘅半熟牛肉包褢住青蔥做餡料，仲有用牛油炒香嘅雜菌同椰菜伴碟，牛肉口感都算淋，可惜未到入口即溶嘅口感。除餐仲有日本珍珠米整嘅白飯，不過口感比較黏稠，無咗一般應有嘅口感食完主菜，餐廳就提供熱茶同甜品，茶就揀咗蘋果茶，而甜品就揀咗抹茶奶凍，蘋果係用茶包嘅，不