Foodbox (海光街) (已結業)

能夠忙裡偷閒與三五知己聚會，真是不亦樂乎。今次聚腳既飯局是位於鰂魚涌區既Foodbox韓國菜。那裡最大的特色是醬油蝦和醬油鮑魚，當然在book位時訂幾份來試下呢！食醬油蝦最驚的便是肉質唔夠新鮮，咬落去好似好‘霉’的感覺。這間店舖的醬油蝦亦沒令我失望。首先蝦身經過一日既醃漬，之後蝦膏亦吸收到醬油的精華，鹹鮮味更突出，所以配以白飯食更是一流。而鮑魚感覺上沒有醬油蝦那麼出色，但味道都很入味，而肉質對於我而言相對地有趙頭，但整體來說都是新鮮的。而我們亦另外叫了一碟炸雞來配燒酎，炸雞炸得比較乾身，這個是值得一讚的。但味道相對來說比較普通，但用來做燒酎小食都還算不錯呢。