糖佰府 (已結業)

做野咁岩經過龍城就去食個糖水，反正好耐都冇去過。龍崗道成條街都好多餐廳，今次就試下糖佰府 。芒果豆腐綿花冰賣相好似普通但原來有驚喜，一咬落去發現同平日食開既綿花冰唔同，竟然有豆腐味，好清甜。再加上香甜多汁既芒果，夏日消暑良品。雙丸椰皇紫米原個椰皇載住自家製既芋圓，地瓜圓，湯圓，口感煙煙韌韌，有蕃薯既味道，唔好太甜。紫米既硬度岩岩好，帶有口感，椰子味道好濃厚，食完個甜品我仲挖椰皇肉出來食，不過口感就硬左少少。整體味道清甜，熱騰騰既，冬天食就最岩。