小桃咖啡室 (已結業)

自從上次同朋友黎完之後一直念念不忘，今日又同朋友再次黎到e間小桃cafe。依舊係暗紅色嘅低調奢華裝潢，配上閃閃生輝嘅水晶燈，氣氛浪漫醉人。芝士蒜蓉包蒜蓉包上台香噴噴好吸引，上面除左有一層芝士之外仲有小小香草，用料一啲都唔馬虎。蒜蓉包食落好重蒜蓉味，包都烤得好脆口。羅宋湯個湯好足料，除左香草外仲有洋蔥、蕃茄、雜菜同薯仔。飲落酸酸地，好開胃。和風香草蜜糖八爪肉腸腸仔好似八爪魚咁攤左係碟到，加上飄下飄下嘅紫菜好QQ。腸仔煎到小小燶，淋上蜜糖上碟。入口甜甜地，似雞肉腸嘅味道。醬燒豬仔全骨成條切開都有七、八舊，睇落去沾滿曬醬好誘人。食落啲醬好開胃，有小小似燒烤醬，又唔會太濃味搶左肉嘅鮮味。難怪會成為金獎菜。肉醬薯仔屋鋪天薯條薯條堆到座塔咁高，上面鋪滿左肉醬同忌廉，完全係勁吸引！條條薯條都沾滿左肉醬，食落似肉醬意粉咁，好好味。卡邦尼白菌煙肉意粉意粉份量好多，除左有意粉仲有白菌、煙肉同洋蔥。卡邦尼個汁有d稀，意粉睇落水水地，但入口又幾好食，唔似平時街外嘅咁膩。玫瑰花釀可以舒緩緊張、消除疲勞同排毒美顔。好香嘅玫瑰味係花茶到傳出，入口有淡淡嘅玫瑰香味，花茶真材實料！店家好貼心，下面會提供蠟燭，令到花茶k