甜蜜蜜新生咖啡店 (已結業)

今晚我們去咗爸爸最喜歡嘅鄧麗君小姐喺尖沙咀嘅主題餐廳「甜蜜蜜新生咖啡店」食晚飯！一入到店內見到佈滿晒鄧麗君小姐嘅照片，另外仲有個投影電視不斷播放住鄧麗君小姐嘅演唱會！我們不斷喺店內影相留念，之後我們就叫咗咖哩素肉蛋包飯、黑椒牛肉三文治、芝士素火腿飛碟、杞子菊花有機蜜糖、有機無糖豆漿同洛神花！咖哩素肉蛋包飯嘅咖哩汁好濃郁，素肉嘅肉質都幾爽滑彈牙，而且份量都幾多！黑椒牛肉三文治嘅黑椒香味令到牛肉嘅肉味更加濃郁，蕃茄同生菜青瓜亦好新鮮，夾埋一齊嚟食嘅味道好清新！芝士素火腿飛碟嘅表面烘得都幾香脆，半溶嘅芝士夾埋素火腿一齊嚟食都幾惹味！杞子菊花有機蜜糖嘅味道好清甜芳香！