影片
更多
2009-11-08
20 瀏覽
尋日(7-11-09 Sat)同男友join o左女友人CK,CL後,先到山林道火鍋館,才6:30pm左右,上到話fully booking.噢,咁CL就帶我o地o黎呢間,我o地要一張5人枱(另外一個friend未到),receptionist話有枱,但只可食到8:30pm,而且要齊人至可以上去,CL答我o地o衣o家只差一個人未到,但o個時都6:38pm,.CL話咁唔好lu,而因女友人CK上o左去toilet,我o地都要等佢至走,個receptionist就再check,話有一張卡位可以坐到9:00pm,問我o地要唔要?CL就上去睇睇夠唔坐先,後來CL話OK,可以坐.咁佢o地就畀呢張枱我o地.一坐低,侍應即拎一盤調味料畀我o地,我o地加好後,都揀o左蕃茄魚頭湯底.白雪雪o既湯底到o黎,先試吓,味道淡淡的,不過都可以.我o地先叫o野食,邊等男友人EC到o黎.叫o左:1. 雪花牛(大)一碟雪花牛唔係好多,唔太肥,但好鮮味,呢碟好快清晒.2. 墨魚滑用竹筒裝住,賣相幾靚.味道呢,唔知係咪烚耐o左,冇乜味o既?3. 魚腐都唔覺得有豆腐味o既.4. 魚麵由男友唧落個鍋o度,佢覺得好好玩.而同樣,
一坐低,侍應即拎一盤調味料畀我o地,我o地加好後,都揀o左蕃茄魚頭湯底.白雪雪o既湯底到o黎,先試吓,味道淡淡的,不過都可以.
我o地先叫o野食,邊等男友人EC到o黎.叫o左:
1. 雪花牛(大)
一碟雪花牛唔係好多,唔太肥,但好鮮味,呢碟好快清晒.
2. 墨魚滑
用竹筒裝住,賣相幾靚.味道呢,唔知係咪烚耐o左,冇乜味o既?
3. 魚腐
都唔覺得有豆腐味o既.
4. 魚麵
由男友唧落個鍋o度,佢覺得好好玩.而同樣,食唔出魚麵係咩味道.
5. 魚皮餃加杭州餃(即雪菜豬肉餡)
呢啲正常水準呢.
6. 脆肉鯇魚片
竟然係厚切,但食落又OK,有啲脆喎,而厚切更增加口感添.
7. 白蘿蔔
呢個竟然有少少苦.
8. 油麥菜
都係冇乜問題咁啦.
中途男友人EC都o黎到喇,佢加單要o左:
9. 貢丸
唔記得有貢丸呢樣o野,真係好好食.
10. 蝦丸
好耐冇見到唔係橙色o既蝦丸喇,呢個都係正常呢.
11. 芋絲
同樣唔記得呢樣o野,亦都係正常啦.
服務:
侍應做o野好勤快,好好.相對起receptionist好好多,不過好彩個receptionist做事都有彈性,唔堅持我o地人齊至畀上去,同為o左做多一單生意,都搵過另一張枱.
啤酒妹雖然唔係呢間火鍋店o既職員,但見sale唔到我o地,就唔會再煩多次,只會叫人客如果要啤酒至搵佢,而唔再騷擾客人,好好.
中途有個女客人o係通道暈低,佢o地啲亞姐反應好快咁扶住佢,經理都幫手抱起佢同拉張櫈畀佢坐,好彩佢o地醒返,經理幫佢搵返啲朋友,重畀杯暖水佢飲,而且畀佢抖夠至返去佢張枱o度呢.
環境:
高背卡位坐得好舒服.
張貼