影片
更多
2024-06-05
108 瀏覽
快樂小羊火鍋餐廳 Happy Lamb Hot Pot📍旺角豉油街60-104號XX Arcade部分地舖至2樓完成進修課程，將迎來愉快嘅週末，難得高興，我就約咗朋友一齊去旺角食返餐好嘅。因為我唔食牛嘅緣故，朋友一向同我食飯都好少會叫牛肉嘅餐點，食火鍋就更加只會食豬肉片同羊肉片。一次食火鍋時，我哋發現大家都非常喜歡食羊肉，所以我就做足research，揀咗一間羊肉火鍋專門店帶佢試試。未介紹食品前，想先讚一下餐廳設備同餐飲安排。餐廳趁夏季推出優惠，除咗有唔少餐點有驚喜優惠假，就連蔬菜都有免費放題，而且種類繁多，每款都新鮮有光澤。我哋比較推介薯仔片、南瓜片、黃帝菜、西生菜、莧菜等，放入唔同湯底內煮，都盡吸湯底精華。另外，餐廳坐位亦相對寬敞舒適，特製嘅爐具喺鍋邊設有抽氣位，所以環觀都無睇到有白煙，衫褲亦不易沾上火鍋味，非常貼心。*餐廳正做優惠，5:00前結帳離坐/9:00後入座即享午市/宵夜時段38折優惠，非常抵食！ 💰$88成雙鍋 🍲 (中鍋)1-2人建議選擇中鍋，由於想試試兩種湯底，所以我哋揀咗成雙鍋，分店點選清湯同蕃茄湯；嗜辣嘅朋友可以揀酸菜鍋或者麻辣鍋，聽聞評價都不錯。 💰$228羊
📍旺角豉油街60-104號XX Arcade部分地舖至2樓
完成進修課程，將迎來愉快嘅週末，難得高興，我就約咗朋友一齊去旺角食返餐好嘅。因為我唔食牛嘅緣故，朋友一向同我食飯都好少會叫牛肉嘅餐點，食火鍋就更加只會食豬肉片同羊肉片。一次食火鍋時，我哋發現大家都非常喜歡食羊肉，所以我就做足research，揀咗一間羊肉火鍋專門店帶佢試試。
未介紹食品前，想先讚一下餐廳設備同餐飲安排。餐廳趁夏季推出優惠，除咗有唔少餐點有驚喜優惠假，就連蔬菜都有免費放題，而且種類繁多，每款都新鮮有光澤。我哋比較推介薯仔片、南瓜片、黃帝菜、西生菜、莧菜等，放入唔同湯底內煮，都盡吸湯底精華。
另外，餐廳坐位亦相對寬敞舒適，特製嘅爐具喺鍋邊設有抽氣位，所以環觀都無睇到有白煙，衫褲亦不易沾上火鍋味，非常貼心。
*餐廳正做優惠，5:00前結帳離坐/9:00後入座即享午市/宵夜時段38折優惠，非常抵食！
[價錢 Price]
💰$88
成雙鍋 🍲 (中鍋)
1-2人建議選擇中鍋，由於想試試兩種湯底，所以我哋揀咗成雙鍋，分店點選清湯同蕃茄湯；嗜辣嘅朋友可以揀酸菜鍋或者麻辣鍋，聽聞評價都不錯。
[價錢 Price]
💰$228
羊羊大拼盤 🐑
話明係羊肉火鍋專門店，羊肉種類當然既豐富，又講究，為省卻時間，我哋揀咗以三款不同部位嘅羊肉堆砌而成嘅羊羊大拼盤，一次過食到三種靚羊！三款羊肉分別為：塔拉上的快樂卷、千層肋腹同草原臻選大片羊。
先分享塔拉上的快樂卷，佢嘅英文名係Flower-like Sliced Roll，意思猶如花朵一樣嘅羊肉片。廚師細心地以呢種羊肉砌成一朵朵玫瑰花，圍邊嘅白色脂肪同鮮紅嘅肉色層層相交，造型十分美觀。口感軟嫩帶些微羶香，每一朵玫瑰花有接近二十片羊肉，超值之選！千層肋腹脂肪相比下較多，但比例相當均勻，絕對唔油膩，啖啖清香羊肉味，非常好味。最後嘅草原臻選太片羊口感係三款之中最鮮明，肉質比較緊實，羊味亦最為突出，各有千秋，各有特色。
[價錢 Price]
💰$18
老板餃子 (羊肉)🥟 (小份)
餐廳提供好幾款老板餃子，我哋當然揀羊肉內餡嗰款啦。餃子皮滑溜非常，內裡嘅羊肉餡亦十分juicy，夾雜各式各樣蔬菜粒，口感豐富有層次，性價比頗高。
[價錢 Price]
💰$78
黑松露羊肉滑 🍡
全場最得朋友歡心嘅就係呢隻黑松露羊滑，唔洗$80就有三大枝羊滑，淨睇價錢已經覺得好高性價比。將羊滑切成一粒粒細顆粒下鍋，幾分鐘後全熟後撈起，熱辣辣又充滿肉汁嘅羊滑實在好食到停唔到口。雖然佢個名有黑松露三個字，但我哋食落又唔覺得有太重嘅黑松露味，反而有好香好濃嘅特色香料味，更能帶出羊肉獨有嘅鮮甜味！
[價錢 Price]
💰$25
A級羔羊肉 🐑
數到當日最抵食嘅，一定非A級羔羊肉莫屬！只係$28就有約30片羊肉，自己喺屋企食火鍋都做唔到呢個價錢啦！而且同上面介紹嘅羊肉拼盤一樣，所有羊肉都係即落單即切，我哋剛好坐喺半開放式廚房對面，食咁耐，廚師一直切咁耐，完全無停過手，保證出貨快！
唔好以為平嘢無好嘢，約個幾銀錢一塊嘅羊肉整體偏瘦，肉質嫩口，同時非常掛湯，滋味無窮。
張貼
