影片
更多
2022-10-04
161 瀏覽
8月老婆大人嘅生日慶祝活動就因我中招而破壞！不過之前同佢去過帝京酒店嘅香田日式料理食飯嗰陣，見到佢眼甘甘昅實個Elizabeth Arden嘅下午茶，趁放假即刻book嚟慰勞辛苦照顧咗我十日嘅佢。喱個夏日鑽白の魅下午茶都幾多嘢食，同埋咸食都好大件細食咗嘅我食完都覺得好夠飽。個下午茶除咗有咸同甜食仲有鬆餅同埋一人一杯特飲，成個套餐捧出嚟嘅時候相頭都幾唔錯。嗰兩特飲一杯叫Brightening Summer另一杯叫Ginger Tea，凍嗰杯Brightening Summer梗係奉獻比鍾意飮凍嘢嘅老婆大人啦。我喱條寒友就飲嗰杯暖粒粒嘅Ginger Tea，薑茶入面仲有啲橙同埋青檸檬幾香唔太甜好飲喎！喱個下午茶做到10月31日咋！day day下畫3點到5點有得食，548皮就有兩人份量喺開飯訂仲有8折優惠添。我同老婆大人一樣鍾意嘆咗咸食先，總共有五件最前頭嗰件係赤栗雞肉酥盒，中間嘅係北海道松葉蟹肉自家製豆腐，左邊係鳳尾蝦伴芒果沙律汁，右邊就係北寄貝牛油果沙律最中餅，最後面插咗旗嘅係迷你豚肉生薑燒漢堡。咁多件入面我最like喱個滑嘟嘟嘅北海道松葉蟹肉自家製豆腐，豆腐味好鬼濃加埋啲鮮甜嘅松葉蟹
喱個夏日鑽白の魅下午茶都幾多嘢食，同埋咸食都好大件細食咗嘅我食完都覺得好夠飽。
個下午茶除咗有咸同甜食仲有鬆餅同埋一人一杯特飲，成個套餐捧出嚟嘅時候相頭都幾唔錯。
嗰兩特飲一杯叫Brightening Summer另一杯叫Ginger Tea，凍嗰杯Brightening Summer梗係奉獻比鍾意飮凍嘢嘅老婆大人啦。
我喱條寒友就飲嗰杯暖粒粒嘅Ginger Tea，薑茶入面仲有啲橙同埋青檸檬幾香唔太甜好飲喎！
喱個下午茶做到10月31日咋！day day下畫3點到5點有得食，548皮就有兩人份量喺開飯訂仲有8折優惠添。
我同老婆大人一樣鍾意嘆咗咸食先，總共有五件最前頭嗰件係赤栗雞肉酥盒，中間嘅係北海道松葉蟹肉自家製豆腐，左邊係鳳尾蝦伴芒果沙律汁，右邊就係北寄貝牛油果沙律最中餅，最後面插咗旗嘅係迷你豚肉生薑燒漢堡。
咁多件入面我最like喱個滑嘟嘟嘅北海道松葉蟹肉自家製豆腐，豆腐味好鬼濃加埋啲鮮甜嘅松葉蟹肉真係好正斗。
九成下午茶都實有鬆餅喱道都唔例外，每人有一粒原味同埋提子味嘅鬆餅，仲會跟埋士多啤梨果醬同埋奶油比你搽嚟食。
甜食都係有五件左邊係青檸薑瑪德琳蛋糕，後面紅色嗰粒係草莓芝士蛋糕，右邊係鹹焦糖夏威夷果仁栗子撻，前面嗰件係黑加侖子朱古力慕絲蛋糕，最後面嗰杯就係青蘋果血橙慕絲。
登登登登.....我嘅心水甜食就係喱個清新唔漏嘅青檸薑瑪德琳蛋，同埋喱個好正嘅鹹焦糖夏威夷果仁栗子撻，栗子蓉夠香甜入面有啲夏威夷果仁好有咬口唔錯唔錯。
食完每人仲有Elizabeth Arden鑽白晶透保濕體驗套裝換領券乙張每份值成兩舊水架，我就梗係上繳老婆大人以表誠意啦！
香田日式料理
電話：26226167
地址：旺角太子道西193號帝京酒店1樓
張貼
