大快活

營業中

休息中

終於都嚟到週末嘅假期,可以瞓到自然醒,心諗都好耐冇去過大快活食嘢喇,今日就一個人嚟嘆番個下午茶先啦自從杜先生做咗大快活嘅代言人之後,呢度嘅格局都變得比以前較電子化同埋餐單都好似比較新潮咗咁。見到佢哋有海報寫住推介某一種餸菜會低鹽+低脂+低熱量+低膽固醇,感覺上佢哋都開始識得注重客人嘅健康,仲標明係符合世衛建議每日攝取嘅上限,等大家可以食快餐都食得比較安心。但我今日都係揀咗一個邪惡嘅茶餐,去慰勞一下自己過去一星期沉悶嘅工作同埋辛勤嘅運動F03呢個餐有即煎西多士(可選配煉奶或糖膠)加蜜味燒雞翼一隻,包熱飲或者汽水或者低糖凍綠茶,成個餐都只係$31蚊都算好抵食,咁我驚唔夠飽,再加$8.5就可以叫多碗雪菜肉絲米啦。兩間大字頭嘅快餐店我嘅口味都係比較偏愛另一間多啲,因為我始終都係覺得大快活嘅味道係稍微偏咸,奶茶亦比較澀唔夠香滑。