Sing Woo Rd Bar & Grill (已結業)

日期：9月29日人數：6人星期日，一行四個同事去左另一個住係跑馬地的同事屋企玩，晚餐連埋同事的靚女roommate一齊去附近的西餐廳開餐。Walk-in岩岩好仲有位，於是就入左去啦。我哋點左Caesar salad、蘑菇闊條麵、辣肉腸pizza，同埋一整份Spare Ribs。整體來講食物味道中上。沙律菜新鮮，而闊條麵醬汁夠濃郁。Pizza夠薄脆，如果再落多啲Mozzarella 就會更加好食。Spare ribs夠晒大份，配菜嘅薯條份量亦都好多。Ribs配上菜絲沙律一齊食會比較清新，無咁膩。最後我哋帶咗一個雪呢拿雪糕+朱古力曲奇作為甜品，雪糕滑而曲奇甜，伴有士多啤梨同香蕉，有冰火兩重天嘅感覺。環境唔算好fancy，但乾淨衛生，座位都算係寬敞，服務質素良好。