博多拉麵別天神 (已結業)

今日要支持南華籃球隊，係場館隔離有間拉麵店🍜。我見未夠鐘睇球賽便到隔離食個麵。我叫套餐：櫻花蝦味噌豬骨湯面加餃子。頭一啖係幾香櫻花蝦濃味，可能夾雜味噌令碗湯偏咸，湯麵要同埋啲湯一齊食，所以越食越覺得咸，最後只食麵無飲曬個豬骨湯。隻蛋做到剛流心，好正。叉燒肥瘦適中。佢仲有調味架幫你加辣及加濃個湯，但對我來說就無咩用途。跟餐多四隻煎餃子盛惠115元，係幾好食，有一邊是脆皮底，再加醋同七味粉係不錯選擇😊服務及上菜都好快手。