船皇 (厚福街) (已結業)

厚福街可以話係香港一條食街，今日黎到船皇食晚餐。今次我就揀左豬肉豬肉丸撈河粉，泰妹雞翼同埋龍眼冰。豬肉撈河粉味道唔錯，材料豐富，豬肉係用左腩肉不過唔係肥既，唔會食到成口油，而豬肉丸細細粒又幾夠味而且好彈牙，成個粉既整體感覺唔錯，不過可能係因為我揀左河粉既關係，佢就會成碗野痴埋一齊，觀感冇咁靚。小食叫左泰妹雞翼，一客5隻既單骨燒雞翼，配泰式辣醬。雞翼上枱時係幾香，食落脆口而且好入味，係值得推介既餐點。另外叫左杯龍眼冰，船皇既龍眼冰比起其他泰式餐廳既龍眼冰甜好多，我心目中既龍眼冰應該係淡淡地再加埋龍眼肉，而船皇就好甜，不過佢地用左新鮮龍眼肉就搶番唔少分數。總括而言船皇既價錢合理，味道不錯，係值得推介既餐廳。