影片
更多
2012-10-28
2185 瀏覽
因為喺教會弟兄小組晚飯，飯後安排咗電影欣賞分享會，由小弟揀咗一齊睇「流浪漢世界盃」（基督教電影，因為曾睇過覺得幾好幾適合跟弟兄分享），所以食肆就一定揀番晌荃灣區。時間所限，唔想搞得太夜，食飯又唔方便安排太早，所以未齊人都點定菜先，邊食邊等，最後，都未試過上酒樓食晚飯一個鐘未夠就埋單鬆人，哈哈，閃得快！啲老細最喜歡我哋咁樣嘅客，好似去快餐店、茶餐廳咁，一晚真喺可以做三輪生意呀！依班弟兄食嘢唔多講究，但求就手，咩晚飯皇牌、孖寶就啱使喇，一來會平啲，二來喺該期主打菜，上菜一定快啲，再者，唔使慢慢傾食乜，有時男人就喺咁「求其」架喇！八寶炖冬瓜盅 $58依期嘅晚飯三大皇牌有八寶炖冬瓜盅（$38，星期六、日加$20）、北京片皮鴨（$88，包二食，涼瓜炆鴨件，星期六、日加$20）、晚飯小菜開心價（$22.8，共有6款選擇，星期六、日加$10）。大家平時都少湯水，所以揀冬瓜盅，料唔喺好多，無上次晌同區嘅富源咁多料，不過$58，你想點吖！大致上連埋瓜肉，都分到成8碗湯，當然每碗瓜肉都佔過半啦，湯料方面有蝦仁、瘦肉、火腿……等等，但竟然仲有蟹柳，厲害！燒腩仔喺孖寶之一，搭埋豉汁蒸黃立倉，孖寶價$148，嚟
依班弟兄食嘢唔多講究，但求就手，咩晚飯皇牌、孖寶就啱使喇，一來會平啲，二來喺該期主打菜，上菜一定快啲，再者，唔使慢慢傾食乜，有時男人就喺咁「求其」架喇！
八寶炖冬瓜盅 $58依期嘅晚飯三大皇牌有八寶炖冬瓜盅（$38，星期六、日加$20）、北京片皮鴨（$88，包二食，涼瓜炆鴨件，星期六、日加$20）、晚飯小菜開心價（$22.8，共有6款選擇，星期六、日加$10）。大家平時都少湯水，所以揀冬瓜盅，料唔喺好多，無上次晌同區嘅富源咁多料，不過$58，你想點吖！大致上連埋瓜肉，都分到成8碗湯，當然每碗瓜肉都佔過半啦，湯料方面有蝦仁、瘦肉、火腿……等等，但竟然仲有蟹柳，厲害！
燒腩仔喺孖寶之一，搭埋豉汁蒸黃立倉，孖寶價$148，嚟埋條魚就知道好抵食。不過，個燒腩仔唔係腩仔，喺腩膏就真，肥到好似炸肥油咁，未食望個碟都已經見到一攤肥油喇。外皮燒得脆香都無用！
豉汁蒸黃立倉諗住喺孖寶餸，上菜會快啲，點知等咗好鬼耐，喺最後一碟上枱嘅餸菜，連臨尾嗰幾啖白飯都攤凍晒。不過，估唔到幾大條，肉質嫩滑，配豉汁又惹味，但就唔知點解唔將啲豆豉鋪開啲嚟蒸。
鮮竹什菌浸時蔬 $55好鍾意叫依類浸時蔬嘅菜式，清淡得嚟，有啲上湯浸住感覺啲時蔬有味啲。鮮腐竹落得幾多，味道唔錯，幾香豆味；而什菌就落得相對少，時蔬喺白菜仔，索咗上湯，都OK啦。
紅燒鮮竹豆腐 $55寫明「鮮竹」，唔知喺鮮腐竹定鮮竹筍啦，不過，乜竹都唔見，換嚟喺鮮冬菇，算啦，我哋都無所謂，都喺想食多啲菜啫。以小棠菜墊底，豆腐泡油後再紅燒，食落內裡仍保持嫩滑，獻汁煮得恰當唔會太「膠水」。
為咗爭取時間，差唔多食完之時都已經叫定埋單，一食完就即閃，快。張貼
