薩莉亞意式餐廳 (喜薈商場)

營業中

休息中

幫襯呢間日式連鎖已經五、六次，幾乎唔駛打開餐牌都可以諗到食咩。但係循例都會揭吓本精美嘅餐牌嘅！我地今次又係食嗰幾個組合：沙律、餐湯、薄餅、燒物同焗飯。沙律有幾款選擇，但我偏愛煙三文魚。餐湯都係周打魚湯最啱飲，好creamy，好正！薄餅就試吓水牛芝士，水牛芝士質感綿密軟滑，唔會過鹹。薄餅要趁熱食先鬆脆可口，攤凍咗就變硬，唔好食架喇！燒物都係鍾意魷魚筒，點蒜汁嚟食好惹味啊！最後就係肉醬多利亞，焗飯可以留到最尾先食，亦都唔會咁快變凍，呢個係我一貫嘅策略！日式平民快餐，實在當之無愧！