樂園魚旦專家 (淘大商場1期)

營業中

休息中

最近係淘大新開，見到門口有唔少人幫襯，就諗住試下。趕時間同想慳錢好適合去，絕對係平靚正，上菜好快，叫完無耐就有，價錢普偏 $35-45左右，款式都算多。崩沙牛腩 $58限量發售，好彩仲有。牛腩湯底。崩沙牛腩好好食，脂肪入口有融化感覺，肉軟腍，食落唔會好肥膩，揀左幼麵，口感彈牙。樂園四寶丸 $48心大心細唔知食咩好，就叫個咩都有d嘅。四寶包括魚皮餃、墨丸、魚蛋同肉丸。清湯底，味道好清淡，感覺好健康。魚蛋墨丸都好彈牙，墨丸真係食到墨魚粒，配粗麵，同樣都係好彈牙。