譽居

營業中

休息中

一起身就好想食雲吞麵就走去青衣食野，平時我好驚出面好多雲吞麵都非常大陣堿水味，好攻鼻之餘仲大大影響雲吞同麵既味道。我覺得譽居既雲吞麵算係合格，麵非常彈牙，而且堿水味唔太重（要求外面既雲吞麵完全無堿水味係無可能架啦，所以佢都算合格啦），不過雲吞就過於普通，雖然皮整得非常薄，而且味道適中，不過口感欠奉，裏面餡料同蝦唔太彈牙，有待改進。我仲叫左碗肉丸粥，粥底本身煮得唔錯，綿綢得黎可以見到都幾多米粒係裏面，另外個肉丸普通，味道偏淡，如果口味比較清淡既朋友都係一個唔錯既選擇。整體黎講價錢中等，不過不失。