影片
更多
2010-02-20
16 瀏覽
話咁快又到禮拜五，happy friday !男友今晚約左豬朋好友打機，但會同我食晚飯。可能好多人都仲放緊假，銅鑼灣的街上都迫滿人！過年個陣同男友又食打邊爐，年糕同燒烤，所以今餐想食得清淡少少。一向都好鐘意翡翠拉麵，因為價錢唔貴同一定食得飽。自己鐘意去世貿個間因為少ｄ人等位，不過今晚去到門口都見到好多人，好在門口的服務員同我講２位只係等２張枱就可以。因為眼見好多都係一家大細去食，情侶可能怕嘈就去其他餐廳ｌａ！可能都有一段時間冇嚟，所以ｍｅｎｕ都好似換左。原來翡翠拉麵係米芝蓮推介，其實都唔係好需要睇ｍｅｎｕ因為我都會點番例牌的小籠包，醉雞及擔擔麵。不過男友就話想試一試個炆旬，佢話之前聽同事食過話都幾好食。成間店都好忙，不過好在人手夠，我地點菜唔夠５分鐘，就有得食ｌａ，好野！ 小籠包－一貫水準，冇差到，我就嗱嗱聲食左先，因為凍左就唔好食。之前睇過一個台灣飲食節目，主持人話食小籠包要篤一篤，等ｄ湯有少少漏出嚟再擺入口為之ｐｅｒｆｅｃｔ！ 等我今次試下咁樣食會唔會正ｄ先。篤先之後，因為湯汁唔算好多，唔可以食到啫啫聲，但係呢個食法又幾得意。男友笑我中左電視毒，無藥可救 醉雞－今次有少少令我失望，
男友今晚約左豬朋好友打機，但會同我食晚飯。
可能好多人都仲放緊假，銅鑼灣的街上都迫滿人！
過年個陣同男友又食打邊爐，年糕同燒烤，所以今餐想食得清淡少少。
一向都好鐘意翡翠拉麵，因為價錢唔貴同一定食得飽。
自己鐘意去世貿個間因為少ｄ人等位，不過今晚去到門口都見到好多人，好在門口的服務員同我講２位只係等２張枱就可以。
因為眼見好多都係一家大細去食，情侶可能怕嘈就去其他餐廳ｌａ！
可能都有一段時間冇嚟，所以ｍｅｎｕ都好似換左。
原來翡翠拉麵係米芝蓮推介，其實都唔係好需要睇ｍｅｎｕ因為我都會點番例牌的小籠包，醉雞及擔擔麵。不過男友就話想試一試個炆旬，佢話之前聽同事食過話都幾好食。
成間店都好忙，不過好在人手夠，我地點菜唔夠５分鐘，就有得食ｌａ，好野！
小籠包－一貫水準，冇差到，我就嗱嗱聲食左先，因為凍左就唔好食。之前睇過一個台灣飲食節目，主持人話食小籠包要篤一篤，等ｄ湯有少少漏出嚟再擺入口為之ｐｅｒｆｅｃｔ！ 等我今次試下咁樣食會唔會正ｄ先。篤先之後，因為湯汁唔算好多，唔可以食到啫啫聲，但係呢個食法又幾得意。男友笑我中左電視毒，無藥可救
醉雞－今次有少少令我失望，因為冇咩雞肉。跟住聽到隔離枱想點醉雞時，侍應答賣晒，所我呢碟應該ｌａｓｔ一碟，唔怪得得番咁少雞肉。男友聽完就安慰我說，因為今晚實在太好生意，太多人點醉雞。 雖然細碟左好多，但雞肉都算好入味，我連雞皮都食埋
擔擔麵－本來想點雞絲湯麵，但又驚味道太淡。最後忍唔住都點了擔擔麵，麵條好滑，味道又唔會太辣 ，我就好鐘意
油炆旬－因為之前好少食旬，但原來切成幼條，加上了ｄ甜醬，味道又唔錯。
雪梨茶－因男友個咀好似爆裂咁，所以叫佢飲番杯雪梨茶等佢潤番ｄ。 味道唔會太甜，有少少類似龍眼肉的東西，如果杯茶可以再熱ｄ的話，應該會仲好飲。今晚天氣仍然好凍，朝早好以似得８度！
食左大約１個鐘，我就番左屋企冬眠，男友就去打機，不過都有送我番屋企，ｈａｈａ！
如果大家想食一個快，靚，正的晚餐，就一定要嚟呢間翡翠！
張貼
