鼎家喜筷 (已結業)

點解我咁講呢？因為佢限時，但係任食，講嘅係任加雞肉。秘製雞煲可以揀辣度，醬汁裏面花椒越食越麻嘅感覺最爽，雞件肉多，會有雞髀肉，又有雞翼，比起一般出邊食嘅雞煲，我覺得佢雞肉比較滑。其實加多一轉已經非常足夠，仲可以食完雞煲加上湯做火鍋湯底，估唔到係另一種風味，唔會淨係一種雞煲味嘅湯底。偏鮮甜，令到新鮮蔬菜粟米金菇等等，放咗落去之後加埋本身嘅鮮甜味更加好味！樣樣火鍋料都係幾十蚊咋，叫咗個珊瑚蚌非常新鮮，烚兩烚好啦，爽脆鮮味！仲有鮮腐竹好香豆味同火鍋必食嘅出前一丁。食雞煲火鍋凍飲唔少得，兩款飲品任飲，都係每位加$28 ，性價比都幾高。