蘇記麵食家

營業中

休息中

今日老公收夜，我等埋佢先食晚飯，等到佢收工都差唔多21:30，見到好多食肆都收檔，行過見到佢仲未收，我問阿姐收幾點，佢話收十點，我哋即刻入去快食，裏面環境唔大，坐位有啲迫，好彩唔駛搭枱。我哋叫咗鮮蝦雲吞麵，南乳豬手撈粗麵，白灼鵝腸，蠔油菜心，一枝青島啤酒。鮮蝦雲吞麵：雲吞有傳統金魚尾形狀，蝦好新鮮彈牙，細細粒一口一粒，正南乳豬手撈粗麵：豬手好腍，好入味白灼鵝腸：冇乜肥膏，味道清淡，一定要配豉油食蠔油菜心：正常整個湯底係用大地魚湯，好清甜，麵條冇鹼水味，爽口，賣點佢係落韭黃唔係蔥，咁先好食。