食口福 (已結業)

嚟到食口福，就梗係要試吓D煎扒飯啦，我叫咗個黑椒什扒飯(有豬扒、牛扒、腸仔、火腿)盛惠$53元(配飲品需另+$6元，凍熱同價)，講味道係可以，但豬扒比較薄身和肉質比較嚡，牛扒味道偏淡，但肉質軟嫰易咬，腸仔係用廚師腸，火腿係一般三文治用嘅火腿片，黑椒汁夠辣，食到黑椒碎及好濃嘅黑椒味，可惜個汁比較偏甜，如果可以鹹番少少就認真ok，飯粒軟硬適中，整體食物質素算唔錯，但價錢偏貴，一個飯餐差唔多要$60元，而且話明係什扒，但又還欠雞扒，所以唔算正宗什扒，不過一次半次就冇咩所謂啦，下次再嚟都係叫香煎雞扒飯比較好