Subway (已結業)

Subway近呢幾年開到成行成市, 除咗係因為麵包方便城市人做早餐之外, 佢哋嘅價錢都豐儉由人😁😁😁單單係荔枝角已經有兩間分店, 因為今日趕住要返公司做野嘅關係所以買咗一個三文治做午餐🌮BBQ醬-日式燒雞配蜜糖燕麥包蔬菜湯蔬菜湯味道啱啱好, 唔算太濃味, 內裡除咗有蔬菜之外仲有紅蘿蔔同螺絲粉, 螺絲粉帶有口感, 配埋湯品一齊食味道都唔錯!其實麵包有四款選擇：全麥包🍞蜜糖燕麥包🍞香草包🍞白包🍞除咗配料多之外麵包嘅款式都有好幾款其實真係好適合都市人, 簡單嘅麵包中突顯不平凡😊日式燒雞配蜜糖燕麥包, 內裏嘅日式燒雞配上BBQ醬汁, 醬汁份量適中而且雞肉肉質鮮嫩, 因為有醬汁關係夾係麵包入邊令到麵包內裡唔會太過乾身除此之外內裏嘅食材都仲有好多架!😀😀😀👏🏻生菜, 番茄, 橄欖, 椰菜絲及酸瓜等等... 雖然只係一個麵包, 不過內裏有好多蔬菜, 唔好睇小啲蔬菜, 食落去爽脆口感好新鮮, 絕對唔會覺得係放左好耐😋👍🏻❤️真係可以配合返都市人嘅均衡飲食👍🏻👍🏻👍🏻 邊個話食麵包唔可以健康架?! Subway 真係做得到, 難怪咁多人幫襯啦😆😆😆