一人前拉麵

營業中

休息中

某天入元朗工作完之後想話食個便飯，行咗一陣發現呢間「一人前」，門外裝修都幾有日本特色而且成間店都好似傳統拉麵店咁用木材佈置，於是就把心一橫去試下啦！店內比較細而且當日冇咩人於是被安排坐喺bar枱，不過咁就可以清楚望到廚師煮食。睇完一輪餐牌決定叫兩碗拉麵：「白前」同「熱燗」同埋一份餃子白前熱燗首先試個湯底，由於熱燗係微辣嘅，所以一開始試咗白前嘅叫湯底先，個人認為白前嘅湯底好味啲同香濃啲，熱燗由於加咗辣再加上有個辣肉球，令到湯底似一個咸湯多啲。熱燗特別之處就係中間粒辣肉球，有啲似上海菜嘅獅子頭不過係辣版，認為略咸同濃啲，所以攪勻入湯底會比較好。兩碗麵都揀咗硬麵，一食落係爽口而且吞落去唔頂胃，抵讚！特別要提嘅係佢啲叉燒好大塊，肥瘦適中而且唔鞋口唔韌最後再上埋個餃子，應該係最普通果隻餃子，配咗餃子汁食好味啲！個人覺得拉麵同湯底質素都屬中等，不過未發現到特別之處，若然要求快餐或者同朋友小聚都可以黎呢度一試。