大快活 (都會駅)

營業中

休息中

搬入黎調景嶺住都有十年時間但我光顧呢間大快活嘅次數只有3次，第一次食係3年前選擇嘅食物係一個好簡單嘅四寶飯除左個飯微暖外其他全部都係凍自此大快活入左我黑名單，3年後因爲彩明商場裝修喺無選擇下第二次食大快活嘅菠蘿咕嚕肉飯，咕嚕肉合格正常味道但個飯又乾又硬微暖最後我將飯面全部挖走食中間好少少果D，但真係好難食口感差無米香我非常好奇到底大快活用乜嘢米先煮到咁難食嘅飯？第三次朋友要黎食無辦法試左賣恆晒廣告嘅咖哩腩，李錦記個咖哩都好味過佢一個簡單菜色都可以咁劣到底大快活點解可以做到咁大？唯一可取嘅係晚餐待應會將食物送埋上台仲會跟埋一杯暖水。