影片
更多
2019-01-28
327 瀏覽
又係車仔麵，連續兩日都食，今日又食係因為行過見到勁多人排隊，即刻上網Check下係咪大有來頭，原來係有數間分店既連鎖店，加上呢間啟田店係岩岩新開，仲係試業中，見到咁多人，當然唔執輸都去排隊試下，都排左15分鐘，連埋拎餐就總共20分鐘。環境星期日下午2點幾，有成十幾個人排緊隊，原來唔係採用老式車仔麵望餸點餐既方法，而係用左快餐店方式，先排隊比錢落單，然後等叫號碼，再自己去拎餐。其實餐廳空間幾大，位置好多，人龍咁長，除左因為人氣旺，係因為有一段時間都只有一位店員收銀，可能因為試業中未能安排好人手，建議繁忙時間一定要兩位收銀員先夠。餐牌自選車仔麵都有接近40款餸任揀，麵底另外加錢，湯底如果揀傳統湯以外既要加$1，每碗最低消費$23。亦有幾款餐廳set好左既選擇，例如唐三藏、化骨龍、豬八戒、大隻佬同埋牛魔王，我覺得啲名都改得幾好幾盞鬼，例如唐三藏係唔食肉，所以全碗都係素，有花過心思改名。自選車仔麵 $38呢碗自選揀左惹味咖哩魷魚($12)、墨魚丸($8)、魚皮餃($8)，配米線($9)同咖哩湯(+$1)。湯底顏色勁深色，一試頗為濃味，係有股咖哩香，但唔算濃亦唔辣，仲有少少沙嗲味添！魚皮餃同墨魚
環境
星期日下午2點幾，有成十幾個人排緊隊，原來唔係採用老式車仔麵望餸點餐既方法，而係用左快餐店方式，先排隊比錢落單，然後等叫號碼，再自己去拎餐。其實餐廳空間幾大，位置好多，人龍咁長，除左因為人氣旺，係因為有一段時間都只有一位店員收銀，可能因為試業中未能安排好人手，建議繁忙時間一定要兩位收銀員先夠。
餐牌
自選車仔麵都有接近40款餸任揀，麵底另外加錢，湯底如果揀傳統湯以外既要加$1，每碗最低消費$23。亦有幾款餐廳set好左既選擇，例如唐三藏、化骨龍、豬八戒、大隻佬同埋牛魔王，我覺得啲名都改得幾好幾盞鬼，例如唐三藏係唔食肉，所以全碗都係素，有花過心思改名。
自選車仔麵 $38
呢碗自選揀左惹味咖哩魷魚($12)、墨魚丸($8)、魚皮餃($8)，配米線($9)同咖哩湯(+$1)。湯底顏色勁深色，一試頗為濃味，係有股咖哩香，但唔算濃亦唔辣，仲有少少沙嗲味添！魚皮餃同墨魚丸幾彈牙，配米線亦好夾，至於凍餐飲跟車仔麵 +$7就有。
自選車仔麵 $44
自選車仔麵
$44
13 瀏覽
0 讚好
0 留言
自選車仔麵
$44
9 瀏覽
0 讚好
0 留言
牛舌
14 瀏覽
0 讚好
0 留言
脆味豚爽肉
$12
14 瀏覽
0 讚好
0 留言
另一碗就要脆味豚爽肉($12)、秘製牛舌片($12)、自家製鮮竹卷($10)，都係配米線($9)咖哩湯(+$1)。作為嗜肉者，當然以肉為主，脆味豚爽肉唔係放入湯而係另上，防止浸淋，豚爽肉其實係豬頸肉，面頭炸過再灑上椒鹽粉，食落好香口，肉質幾有咬口唔會韌，而牛舌片勁大一塊，唔似平時食果啲細細塊，夠稔身，幾索到汁，至於自家製鮮竹卷就正正常常。
牛魔王 $39
牛魔王
$39
24 瀏覽
0 讚好
0 留言
牛腩
14 瀏覽
0 讚好
0 留言
牛腩
18 瀏覽
0 讚好
0 留言
有幾款配好左既選擇，其中一款叫牛魔王，包括牛腩、牛肚、牛丸、蘿蔔、韭菜，都係配左米線，而湯底就試下傳統湯。傳統湯即普通腩汁湯底，都幾清甜，牛腩有2-3件，而且件件都大大件，燜得好稔，一咬啲肉就分離，推薦！韭菜、蘿蔔可以吸到湯汁，牛肚、牛丸質素正常。
油炸鬼豬扒 $19/件
油炸鬼豬扒(1件)
$19
16 瀏覽
0 讚好
0 留言
油炸鬼豬扒(1件)
$19
17 瀏覽
0 讚好
0 留言
有油炸鬼雞翼同油炸鬼豬扒，我見油炸鬼雞翼餐牌上有，但油炸鬼豬扒餐牌上面未有，得海報上有，估計係新推岀，就嗌呢個試下。外面炸得脹卜卜，本身驚豬扒會乾哂好韌，完全唔會！仲幾Juicy，豬味湯郁，呢個必食，當一款車仔麵配料咁食都得！
食完記得自己交還餐盤！呢排食既車仔麵質素都唔錯，湯底方面都幾夠濃郁，而呢間“臨記車仔麵”會係我返轉頭食既餐廳，尤其是佢既脆味豚爽肉同油炸鬼豬扒，中意食豬肉既你唔好錯過，希望下次收銀速度有改善，咁就真係冇得彈！
張貼
