大家樂

營業中

休息中

落雨天氣又凍, 就決定留返係公司附近食午飯。平時食lunch都唔鐘意食太飽, 所以盡量都食粉面, 但今日又突然好想食燒味, 就問下收銀姐姐四寶飯可唔可以轉米粉, 原來係可以的, 另外再加錢配多個凍檸茶少甜少冰。 個四寶米賣相好吸引, 叫左佢米粉同燒味分開上。有隻豉油雞脾仔仲有隻雞翼, 叉燒偏瘦但都唔算太乾, 加埋紅腸同咸蛋岩岩好。另外拎埋蔥油就更有燒味既味道。杯檸茶都好飲, 四片檸檬唔太甜又真係有少冰, 成個餐唔洗五十蚊咁既質素都真係冇得輸。