大家樂 (太古城中心)

營業中

休息中

今次同娘親去太古城廣場去食下午茶。我哋見口痕又唔想食咁貴所以就走去食大家樂。照燒雞扒讚岐烏冬讚岐烏冬係要彈口嘅感覺：雞扒唔腍，偏實。烏冬上面有一舊圓形嘅食物。食落去似油豆腐，但有少少肉丸嘅味道：感覺好奇怪。烏冬有少少椰菜、雲耳、少許蘿蔔絲。湯底飲落去一飲就覺得似史雲生清雞湯。＄27食呢個餐完全體現到快餐店嘅感覺。飲品就叫咗熱檸水：熱檬水檸檬有三片，勝在水夠熱、檸檬新鮮。飲落去冇苦味，有少少酸。服務態度其實我對大家我嘅服務態度冇乜期望。由於冇期望所以冇失望，去到攞嘢食嗰個位：叫麻煩佢攞兩杯水，佢都有攞俾我。以快餐店來講，服務態度算係好。