Italian Tomato Café (已搬遷) 新店位置

三個人要去openrice攪嘅燈籠班，時間都幾長，所以食埋午餐先去，可惜我搭車遲咗！先叫朋友攞位，叫定食物！我到時剛剛好有得食！食物由佢發辦！去到坐近門口四人枱，唔迫幾舒服！淺木配紅皮椅！簡約風格！餐湯「蕃茄忌廉湯：整少見到用蕃茄煮忌廉湯（可能慣了紅/白湯分開）所以今次飲，味道竟然好好味，蕃茄酸酸地又忌廉湯幾滑！忌廉菠菜煙三文魚意粉：午餐，菠菜同三文魚都幾多！三文魚切粒，唔過鹹，仲幾滑，菠菜唔嚡口，意粉比我喜歡嘅淋啲，不過都有咬口！唔錯！櫻花蝦明太子忌廉意粉：賣相幾靚，不過唔覺明太子嘅鹹香，櫻花蝦又無乜味，只係增加脆脆嘅口感！意粉又偏淋！一般！凍檸茶：大杯，自己加糖漿，茶底唔同茶餐廳，唔夠濃！不過都合格！來西式餐廳預咗！招牌熱咖啡：朋友飲！店員好爽，攞碟埋單都好爽手！其實我哋只係食咗半小時！快快去上堂！