鳴越 Pho

營業中

休息中

來到中環，記起之前食過一間越南嘢，突然間想食，但又醒唔起餐廳名，只好憑印象左穿右插横街窄巷之中，行行下，見到有『pho』字眼唔理三七廿一就入去了，當然唔係之前嗰間，但見D燈吖，壁畫都幾好越南feel，而餐牌上的食品選擇都唔少，又唔貴，好開心點咗以下食品:『越南生牛河』、『嚴還香茅豬肉撈檬』、『安南扎肉片』，飲品就有奶茶和椰汁三色冰。首先上菜速度勁快，冇耐就有朋友點嘅生牛河，只見鮮紅色牛肉，灼幾吓食得，我試咗一片，好新鮮，好嫩滑，而我嘅豬肉撈檬亦係好好味，豬肉中等size，入口啱啱好，而啲撈汁亦好正宗，啱我心水。三色冰有綠色粉條，黄色開邊綠豆同埋紅豆，椰味香濃，推介好好飲。