影片
更多
2019-03-14
98 瀏覽
見完客臨返屋企之前買個簡單晚餐，終於可以幫襯樓下呢間唐記，所謂「終於」呢，係因為我成日經過出面地鐵站的唐記，但佢地同一款食物係比呢間貴幾蚊(例如點心出面賣$18呢間賣$15，蒸飯出面賣$27呢間賣$22！)，我覺得好唔抵，所以唔想買第二間分店，今日終於比我揾到個機會黎呢間買，所以好開心我覺得唐記之所以能夠速迅發展開咁多分店，係有佢成功之道，首先，佢乎合香港人要快的原則，由我落單到我拎到個外賣走得，前後不到5分鐘！第二，佢價錢平，即使係地鐵站的分店，以$27一個蒸飯來計唔叫平叫咩呢？第三，外賣中式點心唔多地方有！(超市賣嗰D唔好相題並論啦！)當然你可以去酒樓食點心啦，但酒樓夜晚都唔會食點心，同埋飲一次茶貴好多，你更加唔會去度淨係食一個點心！但呢度呢，你可以口痕買寵鳳爪返屋企食！第四，當然佢味道唔差，所以KEEP住有客啦！基於以上種種原因，佢已經開到幾十間分店囉...今晚本黎就諗住買個雞扎就算，點知見到佢有套餐喎！連埋個蒸飯和飲品都只係$35，所以最後揀左章魚肉餅飯同雞扎，無加錢轉其他嘢飲，淨係要左道地烏龍茶(盒裝). 之前買過九龍灣分店的都肯幫我走塑，今次同樣比完錢咪拎個飯盒出黎囉，點知
我覺得唐記之所以能夠速迅發展開咁多分店，係有佢成功之道，首先，佢乎合香港人要快的原則，由我落單到我拎到個外賣走得，前後不到5分鐘！第二，佢價錢平，即使係地鐵站的分店，以$27一個蒸飯來計唔叫平叫咩呢？第三，外賣中式點心唔多地方有！(超市賣嗰D唔好相題並論啦！)當然你可以去酒樓食點心啦，但酒樓夜晚都唔會食點心，同埋飲一次茶貴好多，你更加唔會去度淨係食一個點心！但呢度呢，你可以口痕買寵鳳爪返屋企食！第四，當然佢味道唔差，所以KEEP住有客啦！基於以上種種原因，佢已經開到幾十間分店囉...
今晚本黎就諗住買個雞扎就算，點知見到佢有套餐喎！連埋個蒸飯和飲品都只係$35，所以最後揀左章魚肉餅飯同雞扎，無加錢轉其他嘢飲，淨係要左道地烏龍茶(盒裝). 之前買過九龍灣分店的都肯幫我走塑，今次同樣比完錢咪拎個飯盒出黎囉，點知阿姐話我咁遲先講佢話要打單架嘛！不過佢都照幫我用飯盒裝...
等左一陣就走得！個蒸飯一人份量，女仔食可能都夠，加埋個點心就有突啦！雞扎好味！章魚肉餅有咬口！味道都好！最欣賞佢D蒸飯係有菜的！而且佢全部食物都好夠熱！不過由於佢地只做外賣，真係每天製造好多發泡膠垃圾，如果能夠有個位比人企係度食就好了，反正佢個點心/飯本身都已經係有個器皿裝住蒸，最多都係洗多對筷子，但對環境幫助好多呀！唔知佢D管理層會否考慮下呢！
章魚肉餅飯
6 瀏覽
0 讚好
0 留言
雞扎
4 瀏覽
0 讚好
0 留言
張貼
