影片
更多
2022-05-22
4166 瀏覽
第一次黎半島係一個因同行人士原因嘅不值得懷念嘅經歷今次再黎半島，係因為一個就黎移民嘅朋友，睇黎我同半島嘅緣份都係一般今次黎食半島今佐嘅懷石料理，全場入場7成都係食依個餐，睇黎質素都應該真係有返咁上下先黎頭盤:螢光魷魚，日式枝竹(waitress有講係咩名但我唔記得左)，蟹肉菠菜，青檸漬帶子螢光魷魚當時得令，爆膏，配上蛋黃醬別有一番滋味日式枝竹嫰滑可口，豆味濃郁蟹肉菠菜，蟹肉鮮甜，菠菜冇苦澀味青檸漬帶子，帶子鮮甜配上淡淡青檸味增強味道層次感，會係我嘅頭盤首選第二道係舞茸海鮮湯，以茶壺上桌使得美觀與實用性兼而有之，睇落雅緻得體，另配半個青檸服務員先為眾人倒一杯湯水，建議先嘗原味，再視需要而配青檸汁原味鮮甜，鮮味濃郁，原因簡單，成個茶壺都係材料，用料上乘點會唔好飲，海鮮有蝦有魚又有舞茸，效果如何諗都諗到特別之處在於提供青檸，何解? 由於湯頭實在過於濃郁，配上2,3滴青檸汁能夠為湯頭添上幾分酸味，既能使味道層次更上一層樓，又能解膩，飲晒成壺都唔會有任何膩感，但切記落太多以免蓋過清甜鮮味，浪費湯頭第三道係重頭戲刺身拼盤(圖為4人份)，有龍蝦刺身，拖羅，海膽，生蠔，油甘魚，鯛魚龍蝦刺身新鮮彈牙，拖
今次再黎半島，係因為一個就黎移民嘅朋友，睇黎我同半島嘅緣份都係一般
今次黎食半島今佐嘅懷石料理，全場入場7成都係食依個餐，睇黎質素都應該真係有返咁上下
先黎頭盤:
螢光魷魚，日式枝竹(waitress有講係咩名但我唔記得左)，蟹肉菠菜，青檸漬帶子
螢光魷魚當時得令，爆膏，配上蛋黃醬別有一番滋味
日式枝竹嫰滑可口，豆味濃郁
蟹肉菠菜，蟹肉鮮甜，菠菜冇苦澀味
青檸漬帶子，帶子鮮甜配上淡淡青檸味增強味道層次感，會係我嘅頭盤首選
第二道係舞茸海鮮湯，以茶壺上桌使得美觀與實用性兼而有之，睇落雅緻得體，另配半個青檸服務員先為眾人倒一杯湯水，建議先嘗原味，再視需要而配青檸汁
原味鮮甜，鮮味濃郁，原因簡單，成個茶壺都係材料，用料上乘點會唔好飲，海鮮有蝦有魚又有舞茸，效果如何諗都諗到
特別之處在於提供青檸，何解? 由於湯頭實在過於濃郁，配上2,3滴青檸汁能夠為湯頭添上幾分酸味，既能使味道層次更上一層樓，又能解膩，飲晒成壺都唔會有任何膩感，但切記落太多以免蓋過清甜鮮味，浪費湯頭
第三道係重頭戲刺身拼盤(圖為4人份)，有龍蝦刺身，拖羅，海膽，生蠔，油甘魚，鯛魚
龍蝦刺身新鮮彈牙，拖羅肥美入口即溶，幾乎無筋，羸donki嘅拖羅幾條街
海膽大大杯，唔好睇以為得個青瓜上面嗰D，其實青瓜都挖空左一部分放海膽，絕無欺場偷工減料，味道新甜，配埋紫菜食一流
鯛魚新鮮彈牙，油甘魚魚油豐富，香甜可口
大大隻生蠔夠晒肥美creamy，日式食法配埋個汁冇得彈
第四道係我鍾意食嘅天婦羅，喺日本都要去買炸魚食
Menu所寫嘅Starks fish (我google完都唔知係乜) 超好食，大慨係隻中指長度，魚肉細嫰入口即溶，味道鮮美，正
南瓜天婦羅勁粉嫰，我平時唔鍾意食南瓜都乖乖食晒
第五道係金目鯛汁煮魚肉極嫰滑，魚皮煙韌有咬口，個汁又係新甜之極，配菜有煮到腍晒接近入口即溶嘅鮮甜蘿蔔及冬菇
第六道係主菜，吉列和牛卷，餡料係鵝肝同雜菇
可能本身和牛牛味就較淡，再輔以吉列形式以及鵝肝同菇，變相牛味更難食出，味道以鵝肝同菇味為主，係幾好食嘅，不過略兼較膩
友人唔太喜歡亦送多一舊俾我食，而我就當然照單全收
第七道係鴨肉素麵，無甚特別因為未有拍照，食起黎更被我地笑稱似食緊燒鴨米，只係湯底換成甜味較重嘅日式湯底
最後就係水果及甜品部份，分別係紅豆糕、蜜柑、士多啤梨、蜜瓜、抹茶脆餅
蜜柑同蜜瓜合理鮮甜，士多啤梨半粒甜半粒酸，可能係切開一半之後同友人嗰碟share，因為其中一位友人同樣係一粒甜一粒酸
紅豆糕內紅豆夠晒粉，不過味道方面都係日本特色，略嫌甜味較重，相對黎講我會prefer中式嘅陳皮紅豆沙
抹茶脆餅亦發揮正常，抹茶雪糕夠滑身而且足味，配上脆餅有多一層口感
總結環境較西式多於日式，服務良好有禮，食物整體質素高，符合價錢，經理滿場飛顯得熟客眾多，明顯係好餐廳
可惜小弟囊中羞澀，今次都係特別原因黎食，希望有朝一日發達之後可以再同依班朋友黎食，成為熟客啦。
張貼
