Shari Shari Kakigori House 氷屋 (已搬遷) 新店位置

終於再嚟到Shari Shari😆，上次食完日式刨冰🍧之後念念不忘，今次平日夜晚，所以都唔駛排隊。我哋3️⃣個人好快就決定咗試兩款唔同嘅味道。-🍴青檸忌廉芝士味🍧($95) - 依個口味係季節限定，唔係常見嘅口味，於是就諗住試吓🤤。最頂層有兩片青檸，下面有啲忌廉芝士🧀，之後先至到日式刨冰，食食吓發現原來中間有啲蘆薈粒😮。刨冰加咗青檸汁，所以成個冰微酸，好Fresh😚！但係唔知點解有少少似檸檬撻嘅味道🤣。-🍴抹茶忌廉焦糖味🍵(配白玉)($100) - 依款味道係其中一個人氣之選。三粒白玉放喺忌廉上面，再之後就係日式刨冰，見到咁綠就知道抹茶味有幾濃🤤，除咗抹茶味🍵，中間亦都會夾雜左一啲啡色嘅焦糖味。白玉幾煙韌👍🏻，抹茶味好濃😆！去到食到焦糖味嘅時候，唔知點解有少少苦苦哋🤭。