番茄濃湯專門店 (已結業)

不嬲都好中意食同蕃茄有關嘅野🍅因為有蕃茄呢個元素就會提升到食物嘅鮮味要我推介蕃茄專門店 即時就會諗起呢間係屯門嘅小店可惜佢好似做埋今年十月唔做喇傷心於是我呢排都密密食希望記住佢個味道佢有個menu係茄湯底揀餸再揀麵 仲送隻靚靚炒滑蛋🍳因為太好味嘅緣故 我每次都會揀呢味 不停encore我個份係拼左芝士同生菜 加錢轉讚歧烏冬有芝士邪惡得嚟～又加d蔬菜中和下重點都係個濃湯 鮮甜又夠濃厚 最後有d蛋花碎 次次都想成碗飲！今次加埋份釀雞翼 外面煎脆左好好味仲有每次必飲嘅果汁（橙/蘋果）今次叫左蘋果 之前問過話係自製嘅 難怪有獨特嘅味道趁未執之前 我應該會搵機會再encore!