廟街玉子燒 (已搬遷) 新店位置

廟街俾人嘅感覺係好多電子產品同紀念品賣。但係原來都有好正嘅美食！🤩我同朋友經過廟街玉子燒呢間店，俾佢嘅香味吸引咗，即刻停低買黎試～1. 明太子韓國蟹醬芝士流心玉子燒老闆係現場即叫即整，好新鮮～即場熱辣辣食好正～配料非常足夠，一咬食到啖啖既半溶芝士，係拉絲嘅芝士😍幸福感滿滿～好邪惡嘅芝士，但好味到停唔到口🤤老闆用料都好豐富，玉子燒係用咗日本嘅雞蛋，所以蛋香非常濃郁。芝士係水牛芝士，做到好吸引既拉絲效果🤩呢個玉子燒強烈推薦大家一定要試～特別係如果你本身係食蛋控。玉子燒成個口感都好好，好厚身，軟綿綿，而且食落仲有半熟嘅蛋汁流出。芝士同玉子融合埋一齊🤤仲有明太子粒粒嘅配襯，口感層次豐富，真係好好味😋2. 鐵板魷魚鬚老闆係我面前即場炒，望到都覺得口水直流🤤超香！魷魚鬚好厚身～絕對抵食！原來老闆係用有機魷魚🦑所以魷魚好香好有鮮味～食落去味道好濃郁，好容易咬開～好爽口好Juicy! 3.鐵板小食 一口牛粒由於又係即場製作嘅關係，聞到好香好香🤤一口牛粒軟腍惹味，肉味香濃。牛粒嘅肉汁都好豐富～脂肪分布都好平均，味道爽口嫰滑。鍾意食牛肉嘅朋友要試喇🤩為咗呢間店嘅玉子燒美食，下次就算我唔係咁岩經過廟街，我都