影片
更多
2020-06-13
1039 瀏覽
Pica Pica #上環 ❗️念念不忘超高質西班牙菜❗️最近見都唔少人介紹呢間位於上環嘅西班牙菜🇪🇸見到佢有好多特色嘅tapas，非常吸引，即刻喺網上book位😆雖然價錢唔平，但的確非常好食，每一啖都食到好滿足，非常推薦👍🏻👍🏻👍🏻！餐廳空間感超大🤩內裏仲設有酒吧枱，好有外國餐廳感覺，配上富有特色嘅西班牙菜式，成個感覺好chill☺️。菜式選擇唔算好多，主要係有海鮮、肉類、蔬菜類嘅tapas，同埋西班牙海鮮飯。‼️tapas係西班牙嘅國粹，每一份都細細地，最啱送酒。店員都有提醒tapas分量偏細，兩個人食都要嗌四五樣先會夠飽，多啲人一齊食嘅就最好嗌埋西班牙飯share。‼️我哋兩個人食咗一個細意大利海鮮飯、三個tapas同埋一個甜品就夠晒飽。所有菜式都係水準之上，以下係每個菜式嘅詳細介紹，想試吓又唔想咁貴就可以睇吓我最推薦邊幾道菜🙈！Waygu steak tartare on charred bone marrow🥩$170招牌菜式🔥居然將和牛tartare放喺一大條牛骨髓上。tartare係半生熟，配埋滑脫脫嘅牛骨髓一齊食，口感冇平時嘅tartare咁軟滑，但就帶有少少咬口。味道亦都同一般
❗️念念不忘超高質西班牙菜❗️
最近見都唔少人介紹呢間位於上環嘅西班牙菜🇪🇸見到佢有好多特色嘅tapas，非常吸引，即刻喺網上book位😆雖然價錢唔平，但的確非常好食，每一啖都食到好滿足，非常推薦👍🏻👍🏻👍🏻！
餐廳空間感超大🤩內裏仲設有酒吧枱，好有外國餐廳感覺，配上富有特色嘅西班牙菜式，成個感覺好chill☺️。
菜式選擇唔算好多，主要係有海鮮、肉類、蔬菜類嘅tapas，同埋西班牙海鮮飯。‼️tapas係西班牙嘅國粹，每一份都細細地，最啱送酒。店員都有提醒tapas分量偏細，兩個人食都要嗌四五樣先會夠飽，多啲人一齊食嘅就最好嗌埋西班牙飯share。‼️我哋兩個人食咗一個細意大利海鮮飯、三個tapas同埋一個甜品就夠晒飽。所有菜式都係水準之上，以下係每個菜式嘅詳細介紹，想試吓又唔想咁貴就可以睇吓我最推薦邊幾道菜🙈！
Waygu steak tartare on charred bone marrow🥩$170
招牌菜式🔥居然將和牛tartare放喺一大條牛骨髓上。tartare係半生熟，配埋滑脫脫嘅牛骨髓一齊食，口感冇平時嘅tartare咁軟滑，但就帶有少少咬口。味道亦都同一般嘅tartare有所唔同，加咗醋，酸酸甜甜幾開胃，不過就比較鹹，配埋送上嘅小多士一齊食會更好🙈味道唔算最突出，但非常特別，可試可唔試👌🏻。
味道: 4/5
性價比: 3.8/5
Red prawn hotdog Josper grilled prawn head🦐$120/pc
另一個最多人嗌嘅菜式🔥用上西班牙大紅蝦製作嘅熱狗，特別在於要將蝦頭嘅膏唧落個熱狗一齊食，將熱狗嘅鮮味再提升一個層次✨熱狗烘到微內鬆軟，索埋啲蝦汁同埋少許蕃茄肉醬，味道的確唔錯😋不過蝦肉未算好彈牙，而且只有手掌心咁大，性價比偏低，雖然好多人嗌，但係反而覺得可以慳返食其他菜式🙈。
味道: 3.9/5
性價比: 3.5/5
Octopus Galician style on potato al caliu 🐙 $130
較少人嗌呢一個，但真係超級推薦，係我食過最好嘅八爪魚😋😋😋個口感真係正到難以忘記，一定要食過先會明白！底下嘅薯仔都非常好食，微炸，外脆內軟綿綿，配上辣椒粉橄欖油等，非常惹味😆一定一定要試！
味道: 4.8/5
性價比: 4.3/5
Small black paella rice 🥘 $115
絕對係我心目中最好食嘅西班牙海鮮飯✨簡簡單單用上墨魚汁醃製，面頭再擺上魷魚、豬腩肉、同埋少許忌廉。店員會幫你完全撈勻所有材料，墨魚汁嘅鮮味非常重，好似仲滲透着蝦嘅鮮甜咁，撈埋啲忌廉之後十分creamy但又唔會覺得膩👍🏻👍🏻👍🏻魷魚同樣口感滿分，而且豬腩肉亦油香十足，一定要嗌，細份都絕對夠兩個人分✨。
味道: 4.8/5
性價比: 4.8/5
Spanish cheesecake🍰 $75
呢個芝士蛋糕真係超級勁爆好食🤩普通Menu上見唔到，原來係佢哋嘅特色Menu！芝士蛋糕擺上熱碟上，中間流心，芝士鹹香味超重，同一般嘅芝士蛋糕非常唔同，冇乜蛋糕嘅口感，似食緊一舊烤香咗嘅芝士，滲透着羊奶芝士嘅味道，再配埋酸酸甜甜嘅紅莓sorbet、消化餅碎，真係超好食🥰嚟都一定要嗌，未喺其他地方見過呢一種芝士蛋糕！
味道: 4.8/5
性價比: 4.8/5
整體來講呢間西班牙菜真係好有驚喜🤩所有菜式都好獨特，係水準之上，就算已經好飽都好想食埋佢🥰唯一係tapas分量較細，價錢唔算太平，而且因為tapas嘅目的係送酒，所以整體調味偏鹹㗎，如果平時食開好清淡嘅就未必太適合。
Waygu steak tartare on charred bone marrow
$170
60 瀏覽
0 讚好
0 留言
Waygu steak tartare on charred bone marrow
$170
55 瀏覽
0 讚好
0 留言
Red prawn hotdog Josper grilled prawn head
$120
72 瀏覽
0 讚好
0 留言
Red prawn hotdog Josper grilled prawn head
$120
31 瀏覽
0 讚好
0 留言
Octopus Galician style on potato al caliu
$130
112 瀏覽
0 讚好
0 留言
Black paella rice (small)
$115
219 瀏覽
0 讚好
0 留言
Black paella rice (small)
$115
45 瀏覽
0 讚好
0 留言
Spanish cheesecake
$75
141 瀏覽
1 讚好
0 留言
張貼
