金滿多餃子店

營業中

休息中

呢間暫時係我念念不忘嘅餃子店。次次去食，佢地嘅餃子脹卜卜，餡又塞到飽滿，餃子皮煙韌，餃子湯底係粉葛鯪魚湯，好鬼甜。今次嗌咗10隻「芝士粟米豬肉」湯餃$55，內餡係水牛芝士+粟米+豬肉，一啖咬落去係有少少拉絲效果，芝士奶味重，粟米大粒又甜。「大澳一字雞翼」$18 4件，即係2隻雞翼啦。講「大澳」我諗係關蝦醬事，炸得好酥脆，蝦醬味唔會好搶。半價$5嗌咗杯熱飲「檸檬緑茶」，落單侍應話一定係有糖，飲過覺得ok呀，甜甜蜜蜜，唔係死甜而家天氣好適合。