Pho Bar (已結業)

中環有好多唔同嘅菜式選擇，今日我哋就食主打越南嘢嘅Pho Bar啦！但呢間Pho Bar同一般越南餐廳隔局好唔同，佢似一間拉麵店多啲，長長嘅吧檯，可以望到廚師煮Pho架，夠晒新鮮熱辣！落單仲係自己填紙，想揀咩麵底或加咩配料都好方便，唔講真係以為自己去咗拉麵店呀。炸春卷越南春卷炸到脆卜卜，一咬落去好鬆化！冰山燒豬頸肉豬頸肉好厚身，微微嘅焦香味，加上醬汁，真係好惹味。怕油膩嘅，記住用生菜包住食，清新度大大提升。生熟美國頂級牛肉金邊粉麵可以揀河粉、金邊粉或意大利翠玉瓜麵，而配料可加金不換、芫茜、芽菜、洋蔥、炸蒜同蔥等，口味隨個人喜好。而呢碗pho當然係即叫即煮，熱辣辣又大大碗，食之前可加入青檸、辣椒、辣醬同甜醬，而湯底帶有濃香嘅牛味，湯色清而不濁。而牛肉份量多，生熟比例啱啱好，肉味香濃！而幼細嘅金邊粉，好滑呀！至尊金邊粉至尊真係唔係浪得虛名，配料有生熟牛柳片、牛腩、牛肉丸、牛栢葉、牛展同札肉，份量夠晒多！牛腩香濃，肥瘦比例啱啱好；牛丸彈牙爆汁！呢碗至尊真係好抵食。（記住Like同Share畀朋友）By A姐M佬 玩樂日記 www.aandmdiary.com