蒜爆王

營業中

休息中

口痕痕，超想食良景市集既蒜爆王，因為屋企樓下街市同樣做鐵板同炒粉麵，都唔夠蒜爆王咁有穫氣同好味，所以岩岩搵朋友黎同我一齊食😃呢度三餸炒粉麵都只係30蚊，仲有幾款蔬菜配料，洋蔥，椰菜，蒜，蔥，淨講價錢已經好吸引。最後我地叫左豬頸肉，雞絲，海鮮雜錦烏冬。呢度雖然係街市，但可以坐係度睇住老闆係度炒鐵板粉麵，熱辣辣香噴噴，可謂親民級既享受。即炒完既烏冬隨即送上。30蚊黎講份量都ok多，烏冬完全吸索哂醬油同調味料，加上七味粉更為惹味，烏冬亦唔油膩。雜錦海鮮包括蜆肉，魷魚，好豐富。最愛呢度既蒜蓉，非常濃郁。雞肉香氣十足豬頸肉滑嫩爽彈，而且好大片。