金鳳大餐廳 (山林道)

營業中

休息中

山林道呢間金鳳一直開業多年，每隔一排又會心血來潮想去食，佢嘅懷舊港式西餐就係有種魅力令人間中又會掛住雖然鐵板扒餐先係主菜，但佢嘅羅宋湯才係我的最愛。呢道嘅羅宋湯黑椒味香濃，酸甜味平衡得剛剛好又多配料，配上佢鬆軟嘅餐包一流我點選了牛肋骨鐵板餐配黑椒汁，牛肉揀左7成熟，牛肋骨有兩大條份量多到我食唔晒，而且肉質嫩冧，底下仲配有薯格，有醬汁嘅關係薯格偏冧，但食落啖啖薯蓉另外朋友點了雜扒餐，分別有一件雞扒及豬扒，同樣配了黑椒汁，兩件肉咬落都多汁唔會太乾，底下則配有粗薯條最後仲有跟餐飲品，以呢個價錢有咁嘅食物份量來講相當抵食，食物水準亦無令我失望